Vondur matur á Thompsen

Skrifað 5. maí 2000, kl. 18:46

Ég fór á Café Thompsen að borða í hádeginu með Stínu minni og vinnufélögunum. Við Stína pöntuðum súpu, steikarsamloku og franskar með. (Það þarf að borga sérstaklega fyrir franskar með matnum!!)

Það voru allir við borðið sammála um að súpan var sú versta við höfðum nokkurn tíman smakkað. Kokkurinn virtist hafa hrært hveiti út í vatn, hellt út í pottinn 1-2 dósum af niðusoðnum sperglum, og hitað hálfa leið að suðu. Voi-là súpa ojjbjakk!

Þegar loksins koma að steikarsamlokunni reyndist hún meira en lítið rýr. Þess utan var brauðið hart, og salatlúsin á diskinum virtist hafa verið þar síðan í gær eða fyrradag.

Hápunktur málsverðarins voru frönsku kartöflurnar - sem voru bara "allt í lagi".

Ég ræð öllum eindregið frá því að borða á Thompsen - a.m.k. ekki fyrr en þeir losa sig við kokkinn atarna! Ojjjbjakk!!