Færslur laugardaginn 29. apríl 2000

Kl. 07:40: Farinn til Siglufjarðar 

Við Stína erum nú að leggja af stað í flug til Siglufjarðar. Þar ætlum við að eyða helginni í heimsókn hjá pabba mínum, Guðnýju konunni hans og systkynum mínum tveimur.

Þetta er einn liður í því að hitta og segja bless við fólk sem við þekkjum fyrir sumarið í London, auk þess að vera löngutímabær afslöppunarhelgi. (Veturinn er búinn að vera ofhlaðinn verkefnum hjá okkur báðum). ...Svo hef ég ekki séð litlu krílin í ýkt langan tíma þannig að varla þarf útlandaferð að koma til.

Ég er byrjaður að undirbúa mig andlega undir það að verða alveg farsímalaus. Tal sendir víst ekki út fyrir norðan. ...Hmmm... Af hverju eru þeir ekki með "roaming" samning við LS?.

Jæja, best að halda áfram að taka til og pakka niður tannburstanum. Ég vonast til að geta skrifað eitthvað smá fyrir norðan.

Varanleg slóð