Vitnað í meistara Frosta

Skrifað 28. apríl 2000, kl. 09:59

"Það skiptir okkur í rauninni ekki máli hvort hlutirnir hafi rökrétta meiningu, ef þeir bara virka áhugaverðir."

Vinur minn og fyrrverandi bekkjarbróðir í LHÍ, Frosti Friðriksson, kom þessum frómu orðum á prent fyrir skemmstu í sýningarskrá fyrir samsýningu sem hann tók þátt í Gula húsinu á Lindargötunni.

Mér finnst að það megi greypa þessi orð í stein! Þessi setning virkar á mig alveg ótrúlega áhugaverð. Hún orðar nákvæmlega tilfinningu sem ég hef lengi gengið með í maganum en aldrei náð út.

Enn og aftur varð ég var við hversu skyldir ég og Frosti erum stundum í hugsun.