Færslur miðvikudaginn 22. september 1999

Kl. 00:00: Árs leyfi frá Skólanum 

Í gær fór ég á fund deildarstjóra myndlistardeildar Listaháskóla Íslands og sótti um árs leyfi "til skipulags sjálfsnáms og sjálfskoðunar". Hann tók vel í það, og ég var þar með kominn í frí. Niðurstaðan er sú að ég vinn áfram hjá Gæðamiðlun í vetur. Gleði

Þetta er hugmynd sem ég var búinn að vera að melta í allt sumar. Um það leyti sem skólastarfið byrjaði ákvað ég svo að láta verða af þessu.

Myndlistarnám er alvarlegt nám sem, ef vel á að vera, krefst geysimikils sjálfsaga og nákvæmrar sjálfsrýni. Mig lagnar að taka mér þann tíma sem ég þarf til að geta lokið því með sóma.

Sendu þitt svar | Varanleg slóð