Harðsjórnir og List

Skrifað 18. september 1999, kl. 01:00

Listasögukennarinn minn, Halldór Björn Runólfsson listfræðingur, minntist um daginn á þá tilhneigingu sem allar harðstjórnir hafa til að vilja ritskoða listirnar. Þetta fékk mig til að hugsa.

Listin er hvoru tveggja í senn spegill samfélagsins og fyrirmynd þess. Harðstjórnir hræðast listina og það sem hún sýnir. Bæði félagsleg áhrif hennar og um leið þann hrákalda sannleik sem hún sýnir. Sé listin ekki undir harðri stjórn, þá er samfélagið ekki undir stjórn.