Stína vinnur undankeppni Smirnoff

Skrifað 28. ágúst 1999, kl. 00:00

Stína er búin að hamast í allt sumar við að hanna, þæfa, og sauma ógeðslega flotta kápu úr hrárri íslenskri ull. Öll vinnan skilaði sér svo um munaði þegar hún var valin til að fara fyrir íslands hönd og keppa í aðal keppninni í Hong Kong í nóvember.

Þetta þýðir náttla bara stanslaus meiri vinna næstu þrjá mánuði, við að þróa fjöldaframleiðanlega útgáfu af kápunni. Vonandi metur skólinn þá vinnu að einhverju leiti.

Sigurvíman var notuð í að draga vinahópinn heim á meðan verið var að ganga frá skyldusímtölunum og hamingjuóskunum, og þaðan svo á kaffihúsið Ozio. Gleðin varði framundir morgun og lauk á dansgólfinu á 22, þaðan sem var rölt heim.

Gaman að eiga ýkt "fræga" kærustu! :-)