Frí í Kanada 4. - 20. ágúst

Skrifað 22. ágúst 1999, kl. 00:00

Við Stína dvöldum í Kanada s.l. tvær vikur hjá foreldrum hennar. Það var gaman. Pabbi hennar hélt uppá 50 ára afmælið. Þarna voru samankomin nærri öll föðurfjölskyldan ásamt Steinu vinkonu Ingu og Mömmu minni og Steve kallinum hennar.

í kringum þann 9. var farið í 4 daga tjaldstæðaferð í Jasper þjóðgarðinn og klifrað uppá eitt klettafjall á dag. Fullt af moskítóbitum! Það var afar merkilegt að fylgjast með því hvernig loftslagið og gróðurfarið breyttist eftir því sem maður fór hærra uppí hlíðarnar. Þar sem við fórum hæst var gróðurinn harðgerður og íslenskur í útliti. Fjallagrös, mosi, krækiberjalyng o.s.frv. Mér leið best uppá toppnum þar sem snjórinn var, enda hitastigið þar mjög íslenskt (Enginn sviti).

Fringe leikhúsfestivalið stóð yfir í Edmonton á meðan við vorum þar og við kíktum á nokkur leikhús og nutum bæjarlífsins.

Edmonton virðist við fyrstu kynni vera nokkuð viðkunnaleg borg, og sameina helstu kosti stórborga og hins vegar smábæja eins og Reykjavík.