Grill og bjór í sólinni

Skrifað 28. júlí 1999, kl. 00:00

Sól og læti í Reykjavík í dag. Einn af fáum virkilega fallegum dögum sem við höfum fengið í sumar. Svo fínn að Gæðamiðlun sendi liðið heim eftir hádegið.

Bjór og sætustelpugláp á Austurvelli, og Grill á stéttinni heima með Bjarna, Unni, Siggu og Árna um kvöldið. Heimatilbúna grillið mitt var ekki nema uppá hálfan fisk eða svo, en náði þó að sinna sínu hlutverki að lokum.

Deginum var slúttað í bíó, þar sem við sáum sænsku vandamálamyndina Fucking Ämäl. Hún fjallaði um (félags)líf tveggja sætra lesbískra grunnskólastúlkna (mjá! lambakjöt ;-). Afar sæt mynd - þrátt fyrir öll sænsku vandamálin framanaf.