Stína 21 árs!

Skrifað 27. júní 1999, kl. 00:00

Stína varð 21 árs í dag. Ég var upptekinn við að hanna plakat fyrir ljósmyndasýningu mestallan daginn. Hún bakaði af mikilli list nokkrar afmæliskökur og bauð með örstuttum fyrirvara nokkrum vinum okkar að droppa inn í kaffi þegar þeim hentaði. Afmælið var einfalt og ljúft. Í kvöld mistókst okkur svo að sjá the Matrix, en við fórum í staðinn í ferlega ljúfan göngutúr í góða veðrinu, og lögðumst og knúsuðumst smá í kvöldsólinni í hljómskálagarðinum.