Smíðaði trúlofunarhringa

Skrifað 2. júní 1999, kl. 00:00

Vinir mínir Bjarni og Unnur trúlofa sig í kvöld. Ég er búinn að vera að smíða trúlofunarhringa eftir pöntun frá þeim. Þeir eru úr ryðfríu stáli, grófgerðir, og unnir úr plötustáli sem ég hamraði, fékk soðið saman, pússaði, sargaði og póleraði svo að lokum. Mér fannst voða gaman að þau skyldu hafa beðið mig um að smíða þá, frekar en að kaupa eitthvað tilbúið úti í búð. Hringunum skilaði ég tilbúnum í dag.