Okkur Íslendinga vantar almennilegan netfréttamiðlara!

Skrifað 20. maí 1999, kl. 01:00

Mogginn og Vísir framleiða ágætis fréttir, en framsetninguna má bæta mikið.

Ég vil sjá einhvern aðila setja upp fréttavakt sem flokkar fréttir og fréttatilkynningar af öllum íslenskum vefum og býður notendum uppá að velja sjálfir hvaða tegund af fréttum þeir lesa.

Ég vil þar að auki geta valið um að fá fréttapakkann minn sendan í tölvupósti daglega á formi fyrirsagna og stuttra innganga og vefslóða (sem vísa á upprunalegu heimildina) sem ég get smellt á í töluvpóstforritinu mínu ef ég hef áhuga á að lesa meira.

Nú verandi framsetning Vísis og Moggans byggir eingöngu á þeirra eigin (einhliða) efnisframleiðslu, og krefst þess að ég hafi fyrir þvi að sækja fréttasíðuna þeirra og vaði í gegnum fullt af efni sem ég hef engan áhuga á.