Vélrænt smíðuð, fjölfaldanleg hugmyndaverk.

Skrifað 1. apríl 1998, kl. 00:00

Vangaveltur um hvað má telja sameiginlegt með hugmyndum Sol LeWitts, Hueblers og Lawrence Weiners annars vegar og hugmyndum Marcel Duchamps í grein hans um "tilbúninga" (Ready-made art) annarsvegar.

Huebler og Duchamp eru tala báðir um mikilvægi þess að taka sem fæstar fagurfræðilegar ákvarðanir við gerð verka sinna. Duchamp notar for-(fjölda)framleidda hluti og leitast við að velja þá annað hovrt af handahófi eða vegna hlutverks síns. Hann notar hluta raunveruleikans í stað þess að herma eftir honum (raunveruleikanum) og þannig túlka hann. Huebler notar ljósmyndavélina á svipaðan hátt til að taka og nota sýnishorn af raunveruleikanum, "gjörsneytt" af fagurfræði, smekk, og túlkun. Báðum finnst mikilvægt að miðla hugmyndinni beint til áhorfandans án þess að notast við eftirlíkingu raunveruleikans og túlkun á honum, sem unnin er á einhvern þann hátt sem skyggt getur á grunnhugmyndina, og óvart dregið athygli áhorfandans frá henni.

Duchamp er eins og LeWitt afar upptekinn af hugmyndum og hugtökum. Duchamp talar um að hann noti orð í verk sín. "Í stað þess að lýsa hlutnum með nafni, var þessari setningu ætlað að leiða huga áhorfandans að orðbundnari sviðum" Honum finnst, líkt og Weiner og Huebler, hugmyndin sem felst í hlutnum mikilvægari en hluturinn sjálfur. Flest allt sem LeWitt staðhæfir um hugmyndlistamenn má heimfæra á Duchamp og tilbúninga hans. "8. Aðeins hugmyndir geta verið listaverk..." segir LeWitt og það sama má lesa út úr orðum Duchamps, þegar hann rökstyður að öll list sé og hafi alltaf verið "bættir tilbúningar" og um leið "Assemblage".

Weiner og Duchamp eiga fyrst og fremst sameiginlega þá skoðun að verk þeirra megi fjölfalda og hver sem er geti endurgert þau, án þess að rýra á nokkurn hátt gildi þeirra. Báðir segja að hvert endurgert eintak sé jafngott hinu upprunalega. Þarmeð hafna þeir á vissan hátt uprunaleikanum, og um leið efnislega þættinum og framsetningarmátanum, en undirstrika um leið mikilvægi hugmyndarinnar sjálfrar.

Heimildir

1. Ýmis ljósrit sem dreyft var í kennslustundum.