Nýjustu færslurnar í dagbókinni

Kl. 19:51: Lausnin á efnahagsvandanum 

...er einföld:

Hættum að flytja inn og selja drasl. ("Get a real job!")

Hættum að kaupa nýtt jólaskraut fyrir hver jól.

Hættum kaupa ný föt í hverjum mánuði.

Hættum að bæta við tommum á sjónvarpið í stofunni.

Hættum að skipta um sófa- og borðstofusett upp á pjatt.

Hættum að kaupa nýja bíla á tveggja ára fresti ...og hringla alein í þeim út um allan bæ.

...

Kaupum bara það sem okkur vantar.

Notum hlutina þar til þeir eru götóttir, snjáðir og útjaskaðir.

Borgum síðan einhverjum fyrir að gera við og endurnýja þá.

Hættum að henda nothæfum hlutum... seljum þá og kaupum notað.

Hættum að hegða okkur eins og við séum fokking fimm ára, heitum Palli og séum ein í heiminum!

...og þá eigum við kannski smá séns á að lifa heimsendinn af.

Svör frá lesendum (8) | Varanleg slóð

At 20:00: jQuery: if_() ... else_() 

if_()... else_() is a tiny jQuery plugin that provides simple flow-control for jQuery chains.

jQuery.fn.extend({

  if_: function (cond)
  {
    if (jQuery.isFunction(cond)) { cond = cond.call(this); }
    this.if_CondMet = !!cond;
    return this.pushStack(cond ? this : []);
  },

  else_: function (cond)
  {
    var _this = this.end();
    return _this.if_CondMet ?
                _this.pushStack([]):
                _this.if_(arguments.length ? cond : 1);
  }

});

Here's an example of how the plugin can be used using a boolean value as a condition:

jQuery('ul')
    .if_( cfg.addItem )
        .append('<li>Last Item</li>')
    .else_()
        .addClass('untouched')
    .end();

Functions may also be passed as condition, and the else_()method doubles as an "else if" when passed a condition.

jQuery('ul')
    .if_( function(){ return this.find('>li').length % 2; } )
        .addClass('oddNumbered')
    .else_( cfg.addItem )  // else if 
        .append('<li>Last Item</li>')
        .addClass('oddNumbered')
    .else_()
        .addClass('untouched')
    .end();

Having these methods at your disposal makes jQuery chains feel even more like a true meta-programming language.

Enjoy!

Post your Comment | Permalink

Kl. 00:11: Hugmynd að gjörningi 

...eftir að hafa upplifað nýjasta uppátæki eilífðarlistnemans Þórarins Jónssonar velti ég fyrir mér hvort ekki væri við hæfi að send Þórarni einhverja skemmtilega og frumlega sendingu (annað hvort í pósti, eða heimsent) og merkti hana "Ceci n'est pas un art".

Bara spurning hvað maður gæti sent honum...

kannski svona, með sjálfvirkum timer?

Svör frá lesendum (1) | Varanleg slóð

Kl. 09:54: Vélrænar þýðingar 

Nýopnað: Tungutorg - vélrænar þýðingar milli íslensku, ensku og dönsku.

Til skoðunar er þessi þýðing:

The preceding table lists the most important general methods of a TextRange object. The following table lists the range movement methods.

Sem útleggst á hinu ástkæra ylhýra:

Undanfarandi borðburtreiðarvöllurinn mikilvægastur hershöfðingi aðferðir TextRange andmæla. Eftirfarandi borðburtreiðarvöllurinn afréttarhreyfingin aðferðirnar.

Ég þakka þeim sem hlýddu.

Svör frá lesendum (9) | Varanleg slóð

At 14:57: Poème trouvé 

It was an initiation rite to a club or organization.
I wanted to lose my inhibitions.
Grow beyond your wildest imaginations.
Someone offered me money to do it.
More flesh on your pole.
-- Ysmatkat

.

.

.

(Subjects from my Gmail spambox this morning, in the order received)

Post your Comment | Permalink

Kl. 10:52: hCalendar og hCard ófýsilegir staðlar fyrir íslenska vefi? 

Fyrir ca. 2 árum síðan skaut upp kollinum í vefheiminum fyrirbærið "Microformat" sem er tilraun nokkurra bráðsnjallra vef-snillinga (aðallega í Bandaríkjunum og Bretlandi) til að skilgreina stöðluð HTML mörkunamunstur fyrir ákveðnar tegundir gagna - s.s. viðburði og heimilisföng og símanúmer. Markmiðið var að gera vefsíður með svona upplýsingum, í senn læsilegar fólki og tölvuforritum.

Í rótina er þetta algjörlega bráðsnjöll hugmynd!

Á þeim tíma fannst mér samt of snemmt að byrja að nota þessa staðla, og ég ákvað að rétt væri að bíða átektar eftir því að þeir þróuðust og þroskuðust meira.

Síðasta haust þegar SVEF bauð til kynningar á Microformats tók ég svo þráðinn upp að nýju að skoða þróunina, en það sem ég sá að hafði gerst í millitíðnni olli mér því miður dulitlum vonbrigðum.

Málið er að höfundar Microformat staðlanna gerðu tvö mjög óheppileg hönnunarmistök sem, því miður, eru enn í dag gegnumgandandi í bæði hCard og hCalendar stöðlunum:

1. Höfundarnir féllu í þá gryfju að leggja eindregna áherslu á enska tungu. Önnur málsvæði (t.d. íslenskan) standa eftir í óskilgreindu aukahlutverki.

2. Jafnframt fórnuðu þeir beinu aðgengi fólks (sér í lagi fatlaðra) fyrir aðgengi dauðra forrita sem eiga að skrapa upp hrá gögn.

Vandinn felst í tvíbentri misnotkun á HTML markinu <abbr>.

Annars vegar er kveðið á um að <abbr> skuli notað til að þýða fullkomlega læsilegan íslenskan texta yfir í tölvutækan auðkenniskóða á öðru tungumáli (ensku). Dæmi:

• <abbr class="type" title="work">Vinnusími</abbr>
• <abbr class="type" title="dom">Skrifstofa á Íslandi</abbr>

Og hins vegar er fullgildum mannlæsilegum upplýsingum fórnað fyrir "skammstöfunarskilgreiningu" sem nær einungis tölva getur skilið. Tvö dæmi:

• <abbr class="dtstart" title="1998-03-12T08:30:00-05:00">12. mars 1998</abbr>
• <abbr class="geo" title="64.129189;-21.919076">Perlan</abbr>.

Í HTML staðlinum hefur <abbr> markið nefnilega mjög skýra merkingu: Textinn á milli <abbr> og </abbr> er ígildi skammstöfunar sem skal jöfnum höndum skipta út fyrir skýringartextann í title="". Í dæmunum hér að framan eru slík skipti hins vegar ekki mjög fýsilegur kostur -- og notendur hugbúnaðar sem les vefsíður upphátt, og/eða skiptir úr skammstöfunum fyrir title gildi þeirra, sitja uppi með illskiljanlegn texta á eftir.

(Í ofanálag vill svo skemmtilega til að Internet Explorer tekur ekki við neinum CSS reglum fyrir <abbr>, svo að til að geta unnið almennilega með microformat-væddar vefsíður, þarf að skeyta inn enn fleiri óþörfum HTML-mörkum (t.d. <span>) til að stjórna útliti textans í algengasta vafranum á markaðnum.)

Góðu fréttirnar eru hinsvegar þær að það er mjög auðvelt að leiðrétta bæði þessi vandamál án þess að draga á neinn hátt úr skilvirkni Microformat staðlanna.

Vandinn er bara að höfundar staðlanna hafa hingað til ekki viljað viðurkenna að um hönnunarmistök sé að ræða, sem er að mínu viti algjörlega óásættanleg afstaða.

Þar til, höfundar staðlanna a) viðurkenna hönnunarmistökin og b) sættast á að leiðrétta þau, eru hCard og hCalendar Microformat staðlarnir sorglega ófýsilegur kostur fyrir íslenskar vefsíður.

Í næstu bloggfærslu mun gefa konkret dæmi um það hvernig má laga þessi vandamál, hversu auðvelt það er í raun og veru, og þá skýru kost semi það hefði í för með sér.

Svör frá lesendum (4) | Varanleg slóð

Kl. 00:02: Ljótur leikur hjá kirkjunni 

Ég hef fylgst með því í forundran hvernig ríkiskirkjan ræðst með dylgjum og lygum að þeim sem berjast gegn ágangi ríkiskirkjunnar á lítil börn þegar þau eru utan beinnar forsjár foreldra sinna.

Kirkjunnar menn (t.d. biskup) stilla upp ljótri skrumskælingu af sjónarmiðum þeirra sem gagnrýna skólatrúboðið. Útkoman eftirfarandi gervimálstaður:

• Vondu heiðingjarnir vilja banna börnum að fá jóla- og páskafrí.
• Vondu heiðingjarnir vilja banna alla fræðslu um trúarbrögð í skólum.
• Vondu heiðingjarnir vilja úthýsa kærleikanum og góðu siðferði úr skólum landsins.
• Vondu heiðingjarnir vilja afneita menningarsögu þjóðarinnar.
• Vondu heiðingjarnir vilja banna fólki að vera kristið.

Þessu hamra kirkjunnar menn á í sífellu, og þessi sömu ósanndindi lepja svo popúlískir ritstjórar og leiðarahöfundar dagblaðanna upp eftir þeim.

Mér þykir þetta afskaplega ljótur leikur - ekki síst þar sem um er að ræða ríkisstarfsmenn.

Á hinn bóginn sitja núna félagarnir í Vantrú og sleikja sárin eftir árásir síðustu daga - og vikna. Þær hafa verið margar hverjar afar ódrengilegar og ósanngjarnar, en þó kannski ekki alveg ófyrirséðar.

Eins og ég sagði í svarhala á blogginu hans Matta, þá virðast þeir forsvarsmenn Vantrúar vera búnir að koma sér í svipaða stöðu og Sóley Tómasdóttir og femínistavinkonur hennar.

Þau hafa þokkalega greiða leið inn í fjölmiðla, en þá helst sem nokkurs konar absúrd skemmtiefni. Jafnframt eru þau komin með stóran hóp bloggara sem fylgist með öllu sem þau segja eða skrifa og bíða færis að rífa það í sig og básúna andstæðu sjónarhorni út um allt.

Þrátt fyrir að vera að miklu leyti skoðanabróðir þeirra í Vantrú, þá hef lengi haft efasemdir um vægi Vantrúar sem pólitísks afls. Mér hefur sýnst að þau skref sem þeir stíga fram á við (t.d. með hreint út sagt frábærri framgöngu Matta í Silfri Egils um daginn) fenni jafnóðum yfir með óþarfa árásargirni, dónaskap og illa völdum "bardögum".

En mögulega sjá Vantrúarmenn þetta ekki svona. Mögulega telja þeir sig einmitt vera að ná markmiðum sínum. Mögulega hefur skapast þarna einhvers konar öfugsnúið (pervers) samlífisástand milli kirkjunnar manna og Vantrúar þar sem báðir nærast á árásum hinna. Báðir geta bent á illsku mótherjans, og haldið þannig áfram að sannfæra sinn eigin söfnuð um eigið ágæti.

Ég upplifi Sóleyju Tómasdóttur og hennar skoðanasystur svipað. Ég er femínisti (og maskúlínisti, o.fl.), en þær láta mig skammast mín fyrir að viðurkenna það opinberlega. Ég tel að þær geri baráttunni fyrir jafnrétti kynjanna jafn mikið (ef ekki meira!) slæmt og þær gera henni gott. Og það sem verra er, ég held að þær geri sér innst inni alveg grein fyrir því, en baráttuástríðan slái þær blindu gagnvart því.

Á meðan stöndum við hin hjá og vonum að við fáum ekki sprengjubrot í hausinn.

...að ríkiskirkjan taki ekki enn meira valdið af foreldrum varðandi trúaruppfræðslu barna sinna, og að börnin okkar verði ekki upp til hópa fráhverf hugmyndum um jafnrétti og mannvirðingu til handa báðum kynjum.

Svör frá lesendum (14) | Varanleg slóð